Euskal Osasun Zerbitzuko zuzendaritzaren lanerako agirietan aurkeztutako neurrien artean, UGTk honako gai hauek nabarmendu ditu, besteak beste: betetzeko zailak diren lanpostuak arautzea eta lanpostu funtzionalei buruzko 186/2005 Dekretua berrikustea, kategoria berriak gehitzeko. Horien artean, Aho-hortzen higienistarena egongo litzateke, sindikatuaren aspaldiko aldarrikapena.
Bestalde, Zuzendaritzak Osakidetzako langileak egonkortzeko plangintza egutegi bat ere aurkeztu du, 2020, 2021 eta 2022ko Lan Eskaintza Publikoetan oinarrituta. Onartu dutenez, prozesu hori garatu beharko dute indarrean dagoen legedia ez urratzeko.
Gauzak horrela, eta itxuraz jarrera ona izan arren, UGTk ziurtatu du zorrotz jarraituko dutela aldaketak galdegiten, hala nola kategoria berri guztiak modu argi eta zehatzean jasota geratzea; Erizaintzako Zaintza Osagarrietako teknikarien (TCAE) funtzioak ezartzea lehen mailako arretan; TCAEko koordinatzailearen figura eta Psikologiako langileak lehen mailako arretan, beste lanbide-kategoria batzuen artean.
Hala, ziurtatu dutenez, diziplina anitzeko taldeak sor litezke, elkarren osagarri izango liratekeenak eta, modu eraginkorrean, profesionalen balizko gabeziari aurre egingo lioketenak. Azken batean, eginkizunen banaketa hobea izango litzateke, eta lanbide-kategoria guztiei eragingo lieke.
Impactos: 10
