UGT Euskadik, LGTBI arloaren bitartez (UGT Anitza), «LGTBI kolektiboa negoziazio kolektiboan» izeneko jardunaldia egingo du otsailaren 3an. Ekitaldia sindikatuaren Bilboko egoitzan izango da (Colon de Larreategui, 46 bis, 2. solairua).
Topaketa honen helburu nagusia da sindikatuetako ordezkariei tresna praktikoak ematea sexu eta genero-aniztasuna hitzarmen kolektiboetan eta protokoloetan integratzeko, eta afiliazio osoa prestatzea, beren enpresetan LGTBIfobia detektatu eta salatu ahal izateko. Lan-eremuan benetako berdintasuna erronka izaten jarraitzen duen testuinguru batean, UGTk negoziazioaren aldeko apustua egin du diskriminazioari aurre egiteko biderik eraginkorrena delakoan.
Jardunaldian, Miriam Guijarro UGTko LGTBI Ekintza Arloko antolakuntza koordinatzaileorde konfederalaren eta UGT Madrileko LGTBI arloko arduraduna hizlari nagusia izango da. Guijarrok esperientzia bere zabala eskainiko du aniztasun-politikak ezartzen eta LGTBI langileen eskubideak defendatzen.
9:30etik 14:00etara egingo den saioan, honako puntu kritiko hauek jorratuko dira:
Indarkeria LGTBIfobikoa enpleguan: Egungo datuen analisia eta pertsona askok beren lanpostuetan jasaten duten errealitatea.
Lege-aurrerapenak: Indarrean dagoen lege-esparrua eta esparru hori euskal enpresen errealitatera nola eraman behar den berrikustea.
Neurriak eta protokoloak: Jazarpena prebenitzeko eta lan-ingurune seguruak bermatzeko UGTren proposamenak aurkeztea.
Adibide praktikoak: Dagoeneko babeserako eta aniztasunerako klausula espezifikoak dituzten hitzarmen kolektiboen adibideak.
Ekimen honen bidez, UGT Anitzak berretsi egiten du sindikalismo inklusibo eta borrokalari baten aldeko konpromisoa, edozein bazterkeria-motaren aurka, eta bermatzen du LGTBI eskubideak ez direla enpresen eta lantokien atean geratuko, baizik eta lan-harremanen muinaren parte izango direla.
Jardunaldia zabalik dago parte hartzeko, ugtdiversidad@ugteuskadi.org helbide elektronikoaren bidez izena eman ondoren.
Visitas: 10
