UGT Euskadiko Zerbitzu, Mugikortasun eta Kontsumo Federazioak (FeSMC) Larrabetzuko (Bizkaia) Euskopan enpresan gaur goizean gertatutako lan-istripu hilgarria deitoratu du. 37 urteko behargin bat hil da, elikagaien banaketan aritzen den zentroan lanean ari zela istripu traumatiko bat izan ondoren.
Alde batetik, sindikatuak elkartasuna adierazi nahi izan die biktimaren senideei eta hurbilekoei, eta, bestetik, instituzio eskudunei, Osalani eta Ikuskaritzari, istripu hilgarriaren arrazoiak sakon aztertzeko eskatu die, laneko arriskuen ebaluazioaren arabera lantokian segurtasun-neurri guztiak betetzen diren aztertuz, baita ABLEetatik etorritako langileak ere, hildako gizona handik baitzetorren.
UGT Euskadik salatu duenez, urtea hasi zenetik, gutxienez 28 pertsona hil dira lanean, eta 2026a amaitzeko bi hilabete falta diren honetan, 2025eko kopurua gainditu du dagoeneko «kopuru jasanezina da, eta ezin dugu onartu eta sozialki normalizatu; norbait bere etxetik lanera ateratzea eta inoiz ez itzultzea».
Visitas: 12
