UGT FICAren arabera, AEGA patronalak Gipuzkoako gasolina-zerbitzuguneen hitzarmen berrirako gaur aurkeztu duen azken proposamena ez da nahikoa. Izan ere, sektorerako hobekuntza nahikorik ez jasotzeaz gain, «atzean utzi ditu desgaitasuna duten langileak eta desgaitasuna duten senitartekoak dituzten langileak». Sindikatuaren ustez, hitzarmenak «ez du ezer hobetzen gai sozialetan, eta gutxi egiten du aurrera gainerakoetan».
Eskaintzak %3ko igoera jasotzen du 2025 eta 2026 urteetarako, baita KPI gehi %0,25eko igoera ere 2029ra arte. Pistako laguntzaileen kasuan, hau da, desgaitasuna duten eta laneratzeko zailtasun bereziak dituzten langileen kasuan, gaur egun hain soldata txikia dutenez, 2030ean urtean 21.500 gordinera iristea proposatzen da. UGTko arduradunek ohartarazi dute planteamendu horrek honako tranpa ezkutatzen duela: 2030eko urtarrilaren 1ean kolektibo hori ez bada 21.500 eurora iristen hitzartutako igoerekin, enpresek kopuru horretara igo beharko dute, baina hurrengo hitzarmenen kontura. UGTrentzat “engainua baino ez da».
Ildo beretik, sindikatuak salatu du patronalak ez duela sentsibilitaterik desgaitasunen bat duten senideekiko, gure sindikatuak seme-alabak edo anai- arrebak zaintzeko ordaindu gabeko lizentzia bat sortzeko egindako proposamenari uko egin baitio, gutxienez %60ko desgaitasun-ehunekoarekin.
Bestalde, eskaintzak 2 orduko lanaldi-murrizketa proposatzen du 2026rako, eta 3 ordukoa 2027. eta 2028. urteetarako. UGTrentzat «guztiz eskasa» da, ekitaldi bakoitzerako 4 orduko murrizketa eskatzen baitu.
Visitas: 7
