UGT-Euskadirentzat, «zalantzarik gabe, albiste txarra da» langabeziaren hazkundea 1.981 pertsonatan igotzea eta Gizarte Segurantzan kotizatutako 10.005 pertsonen galera, 2025eko urtarrilaren itxieran, 2024ko abenduarekiko. Hala ere, sindikatuko Formakuntza eta Enplegu arduradun Arantxa Niñok adierazi duenez, afiliazioaren beherakada hori «urtarokoa eta ohikoa da Gabonetako denboraldia amaitu ondoren», eta, beraz, ez da UGTk negoziatutako 2021eko lan-erreforma indarrean sartu zenetik EAEn ezarritako joeraren kontrakoa.
UGT-Euskadik uste du premiazkoa dela enpleguaren kalitatea hobetzen aurrera egitea, horretarako oinarria soldata hobeak eta lanaldia murriztea direla. Sindikatuak lan nekaezina egiten du bi gai horietan. Hala, Niñok UGTk eta CCOOk Estatuko Gobernuarekin gutxieneko soldata %4,4 igotzeko berriki egindako akordioa nabarmendu du, eta gogorarazi du Euskadirentzat hitzarmeneko gutxieneko soldata bat ezartzeko ere lan egiten dutela, bertoko bizimoduaren prezioarekin bat datorrena, eta LHKn gai horri buruzko gainerako eragileekin bilera bat egitea aurreikusita dagoela aste honetan bertan.
Sindikatuko Enplegu arduradunak nabarmendu du, halaber, UGTk eta CCOOk Espainiako Gobernuarekin lortutako akordioa, «azkenean» 37,5 orduko lanaldia ezartzeko. Akordio horrek «Euskadin sektore pribatuko 350.000 pertsona ingururi eragingo die, eta, gainera, sektore pribatuetako pertsona prekarizatuenetako batzuk hartzen ditu, hala nola etxeko langileak».
Etxebizitzaren prezioa bezalako errealitateek beharrezko egiten dute, Niñok azaldu duenez, «hobeto ordaindutako enpleguak eta lanaldi laburragoal, bizitza duinekin eta zainketen erantzunkidetasunarekin bateragarriak direnak». Hala, enpleguaren bidez, nazioarteko geopolitikak sortzen duen «ziurgabetasunaren aurrean ezkutu sozial bat» bermatzeko eskatu die erakundeei, AEBtik muga-zergen iragarpen etengabeak eginez, ekonomiaren alderdi guztietan eragina izan dezaketenak.
Egiturazko arazoak
Bestalde, UGT-Euskadik adierazi du azken hilabeteko datuek Euskadiko enpleguaren egiturazko arazo batzuk islatzen dituztela. Izan ere, zerbitzuen sektoreko langabeziaren hazkundeak (+2.189) berekin dakar emakume langabe gehiago egotea abenduarekin alderatuta, 1.769 gehiago, eta intzidentzia nabarmenagoa 30 urtetik beherakoen artean, ia mila pertsona gehiago baitaude lan bila, urte arteko tasa negatiboa utzita gainera.
Hala, Niñok berretsi du arreta berezia jarri behar zaiela kolektibo horiei eta 55 urtetik gorako pertsonei, prestakuntza, gaitasunen egiaztapena eta bitartekaritza-zerbitzuen hobekuntza bezalako gaiekin.
Visitas: 4
