Euskadiko Langileen Batasun Orokorrak positibotzat jo ditu maiatzean enpleguak izandako bilakaeraren datuak: 2.152 langabe gutxiago (%-2) aurreko hilaren aldean, eta %1,66ko urte arteko jaitsiera, 1.029.149 kotizatzaileko errekor historiko berria lortuz. Bilakaera, gainera, sektore guztietan eman da, eta hobera egin du hiru lurralde historikoetan.
UGT-Euskadiren ustez, datu horiek 2021eko lan-erreformaren onarpenarekin ezarritako joera positiboa berresten dute, sindikatuaren beraren, gobernuaren eta beste gizarte-eragile batzuen lanari esker. Hala ere, Daniel Gonzalez Enplegu arduradunarentzat, enplegua finkatzearekin batera, «ezinbestekoa da euskal langileen erosteko ahalmenaren galera ere aztertzea, soldatak hobetzearen eta hitzarmen bidezko Euskadirako gutxieneko soldata ezartzearen aldeko apustua eginez». «Beharrezko» neurriak dira «gaur ezagutarazitako datu estatistikoak erosketa-saskira edo etxebizitza duina eskuratzeko aukeretara eramateko».
Ildo beretik, erregistroetako errekorren triunfalismoan ez erortzeko deia egin du Gonzalezek. Batetik, «langabeziak Euskadin 104.649 pertsonak pairatzen duten egoera lazgarria izaten jarraitzen duelako». Bigarrenik, muga-zergen politikek eta ziurgabetasunak Espainiako ekonomian izango dituzten ondorioak islatzen hasi diren nazioarteko adierazleez ohartarazi du.
Azkenik, UGT-Euskadik gogorarazi du «euskal lan-merkatuaren egitura-arazoek indarrean jarraitzen dutela», langabeziak gehiago eragiten baitie emakumeei ( %57,8), iraupen luzeko langabeei eta langabeziak gora egin duen 30 urtetik beherako gazteei (+442) urte arteko terminoetan, 17.291 pertsonara iritsiz.
Visitas: 5
