Erakunde publikoko langileen aldeko epaia, lehen auzialdian emandakoa, beraien estatus berriari dagozkion ondorio guztiekin aplikatu beharko da, eta administrazio autonomikoak bere gain hartu beharko du adierazpen hori ondorio guztietarako.
UGT-Zerbitzu Pubikoen federaziotik pozik agertu dira epai judizialarekin, eta adierazi dutenez, «lehen urratsa baino ez bada ere, oso garrantzitsua dela finkotasuna lortzeko, ez bakarrik UGTn afiliatutako 24 pertsona horiena, baita bitartekotasunean jarraitzen duten Eusko Jaurlaritzako langile guztientzat ere, horien datuak EAEko administrazioan onartezinak baitira eta gure ingurunea, Estatukoa zein Europakoa, gainditzen baitute».
Sindikatuak adierazi duenez, salaketa gehiago daude martxan, urte amaierarako eta 2025eko hasierarako datoz epaiketak. Eskatzaile gehienak Lanbiderenak dira, eta, guztira, dagoeneko epaia lortu dutenekin batera, 75 pertsona inguru dira.
Laguntzaileen aldeko epaiak
UGTk Lanbideri dagozkion beste bi epai ere jakinarazi ditu, sindikatuak ekainean lortutakoei gehitzen direnak. Izan ere, bi Administrari laguntzailek Administrari orokor gisa kobratzeko eskubidea dutela onartu dute, kategoria horretako zereginak egiten dituztela egiaztatu baitute.
Hala, Administrazioarekiko Auzien Bilboko 3. Epaitegiak epai irmoa eman du, eta horren aurka ezin da errekurtsorik aurkeztu. Halaber, kostuak ordaintzera kondenatzen du Lanbide, bere langileen monografia ez errespetatzeagatik, eta erakunde publikoa soldata-aldeak ordaintzera behartzen du, «funtsean» UGTko kide diren laguntzaileei administrari orokorraren lanpostuari dagozkion zeregin berberak esleitzen baitizkie.
Sindikatuko Zerbitzu Publikoen federaziotik Euskal Enplegu Zerbitzuko Zuzendaritzari gogorarazi diotenez, langileen kontratuak eta lan-baldintzak urratzen jarraitzen badu, UGTk epaitegietara jotzen jarraituko du.
Visitas: 8
